Аливаа программ хангамж нь байнга хөгжиж, засаж сайжруулж байх шаардлагатай байдаг. Хэрвээ өөрчлөгдөхгүй болбол мөхсөн гэсэн үг. Жишээлбэл виндовс үйлдлийн системийн дараагийн хувилбар эсвэл майкрософт оффисын дараагийн хувилбар нь хоёр жил тутамд гарч байдаг. Тэгвэл Болор дуран программын хувьд тэр шинээр гарсан хувилбаруудад зохицож ажиллаж байх ёстой. Тиймээс бид байнга шинэчлэн сайжруулан программчилж байх ёстой. Энд л хоёр хувилбар байх шаардлага гарч ирсэн болно. Хэрэв та программын хөгжилтэй хөл нийлүүлэн санаа зовох зүйлгүй ашиглая гэвэл жил бүр хямд төлбөр төлөөд албаны хувилбар авах нь зүйтэй. Хэрэв та нэлээд хэдэн жил яваад хоцрогдоод ирэхээр нь дахиад шинийг авчихъя, өөрийн компьютер, программ хангамжаа (Microsoft Office, Windows) шинэчлэхгүй удаан ашиглана гэж үзэж байгаа бол хувийн хувилбарыг сонгох нь зүйтэй.
